Blauring

Hallo mein Name ist Laura
ich bin seit der 2. Klasse im Blauring Boswil und füür und flamme dafür. Ich wollte schon als Blauringkind Leiterin werden und nun darf ich mit ein paar anderen eine Gruppe leiten.

Hoi zäme, ich ben d Vera. Ich ben sit ech ide 2.Klass im Blauring und ha mich scho emmer uf die Ziit als Leiterin gfreut. Und jetzt beni sett em Lager 2018 im Leitigsteam. Was mer bsundrig gfallt am Blauring isch, dass mer ganz vell Neus lernt, mer chan kreativ sii, isch ide Natur und verbringt Ziit met tolle Lüüt. Usserdem erläbt mer im Blauring die loschtigschte und coolste Erlebniss. Ich döff d’Gruppe „schnell wie de Blitz“ leite und freu mich scho ufs nechste Lager!

Kurse:

Hallo mein Name ist Lukas Küchler und ich bin Präses vom Blauring Boswil (und der Jungwacht) Ich war selbst eine Zeit lang Scharleiter und bin nun ein Mittglied der Altwacht (Ehemalige Leiter der Jungwacht Boswil).

Ich bin d‘Noemi & bin sitem Summer 2017 als Leiterin debii. De Blauring kenn ich scho sit ich es Chind bin, da ich au mol es Blauringmeitli gsi bin 🙂
Ich find de Blauring en super Sach, well mer viel tolli Mensche kennelernt & mer mitenand unvergesslichi Moment chan erlebe…

Ich bin d’Shana und ich bin scho sit de 2. Klass im Blauring. Sit 2018  hani immer am Mittwoch en lässigi Gruppestund mit mine Mädels. S‘ Highlight vom Johr isch für mich euses Sommerlager. Det machemer immer villi cooli Sache und händ en tolli Wuche mitenand

Kurse: 

Ich bin d Lea und bin scho sit de 2 Klass im Blauring. Es hed mir immer riese Spass gmacht und han mich immer gfreut wieder id Gruppestund gah. De Blauring isch für mich wie ehn grossi Familie:)

Ich bin d Sabrina und sit de 2te Klass im Blauring. I de Gruppestunde isch es immer lostig gsi und dLager sind eifach bombastisch. Im Blauring hed mer en riese zämehalt und alli händs guet med enand.

Ich bin d‘Jana und gan scho sit de 2. Klass in Blauring. Mer häts immer mega guet gfalle und Spass gmacht. Mer lernt vieli neui Lüt kenne und schlüsst neui Fründschafte und mit de Ziit wird de zemehalt immer grösser.

Kurse:

Heii, ich bin d‘Miri, Märi oder wie au immer du mich wetsch nenne.
Im Moment bini Schüelerin ade Kanti Wohle.
Ich bin sit de zweite Klass im Blauring und ich han no immer gliich viel Freud dra wie am Afang.
Am Blauring gfallt mir am beste de Zämmehalt, mir sind wie en chlini Familie.
Ich bin Leiterin sit 2022 und freu mich uf die cooli Ziit im Leitigsteam.

Kurse:

Hey zäme, ich bin Jessica bin aber doch eher als Jessy bekannt. Mer machts leite mega Spass da mer i de Gruppestund mega viel mitenand lache tüend. De Blauring isch wie so en zweiti grossi Familie für mich. Die isch mer au sehr wichtig, da ich au scho sit de 2.Klass debi bin. Somit begleite mich de Blauring scho es ganzes Wieli dur mis Läbe.

Kurse:

Ich bin d Kira und bin sit em 2020 im Blauring. Ich han vieli lustigi Erinnerige an Blauring wo ich nie vergesse wird. Vorallem s Lager isch emmer bombastisch. S’Blauring isch für mich wie en grossi Familie.

Heiioo, ech ben d’Dajana und ech ben scho sit ech nüni ben im Blauring und han vo det ah no keis Sommerlager verpasst. De Blauring het mer zeigt was Zämmehalt bedütet und ech han neui Fründe gwunne, wo för mech wie en zweiti Familie send.
Ech ben uu glücklech das ech jetzt au en Teil vom Leitigsteam sii dörf und freu mech scho uf di ville wiitere Erläbnis als Leiterin.

Kurse:

Hoi zäme
Ich bin d’Vanessa und bin sit de 2.Klass im Blauring. Ich han mich immer mega gfreut id Gruppestunde z’gah und mitenand Zit z’verbringe. Ich han sit dem ich im Blauring bin welle Leiterin werde. S coole am Blauring isch, mer chan sinere Kretivität freie Lauf lah und eifach Spass ha mitenand. Ich freue mich uf cooli und tolli witeri Jahr.

Heyy, ich bins! Die meiste nenned mich Laura 🙂
Ich bin scho sit de 2.Klass im Blauring. Es isch über die Jahr zu minere zweite Familie worde. Einisch i de Wuche in die tolli Gruppi z gah isch in minere Routine gsi, bis ich im Sommer 2023 han dörfe Leiterin werde. Ich freue mich uf vieli wiiteri Jahre im Leitigsteam!

Ich bin d Lara und bin scho sit de 2. Klass im Blauring. Es hät mer vo ahfang ah scho viel Spass gmacht und ich han mich immer uf d Gruppestunde gfreut. Jetzt bin ich glücklich die Gruppestunde selber leite z döfe und de chind au so viel Freud z bringe wie es mini Leiterinne gmacht händ.

Hoi zämme ich ben d Enya und mache en Lehr als Mediamatikerin.
Ich ben scho sit de zweite Klass im Blauring und maches mega gern. Met Chind zämme z schaffe und Spieli met ehne z spelle macht mehr mega Spass, dass isch au de Grund wieso ich Leiterin ben.
De Blauring isch wie en grossi Familie, wo mer ufenand Sorg git und zämme alles schaffe chan.

Hey hey ich bin d‘Evu.
Ich mache grad en lehr als schreinerin. Ich bin mega aktiv und bin sit 2018 im blauring, mit mine Kollege.
Blauring gefallt mer mega wäge de sympathisch lüt. 🙂

hellllöööle ich bins dneela,
als erschtes min name isch nila und ned neela und jetzt zu mir ich han jetzt erst grad nach de Summerferie mit de Lehr als FaGe ahfange und freu mich scho uf die cooli ziet im Leitigsteam.
Im Blauring bin ich sitt de zweite klass und bin ih jedem Pfingstweekend und Summerlager immer debi gsi und das mit vell freud.

hoii ich bin Melanie ihr chönd mir au meli oder lättle säge wie ihr wend momentan bin ich im erste lehrjahr als maler ich bin sit de 6 klass im blauring und es macht mir sehr spass

Hallo zämee
Ich bin d‘Hannah. Ich mache im Moment d Lehr uf de Gmeind in Muri als KV.
Ich bin bi allem was Spass macht direkt debiii. Ich freue mich uf alli tolle Moment, wo na uf mich zuecho werdet. Ich liebe Mozarellasticks und bin en sehr en netti wenn mer mich echli kennt 🙂

Hoi ich bin isi
Ich bin sit de feufte klass im blauring und ich freu mich immer weder ufs neue. Im blauring isch es lager immer cool und ich freu mich uf jedes wo ich mit chan gah.

Hallo mitenand ich bin d Sereina Notter us Boswil und mache en Lehr im Hotel Caspar in Muri.
Ich Gange sit ich sit afangs 2 Klass i de Blauring und han sehr vill freud dra, sit em Lager 2024 dorf ich mich entlich au en Leiterin nenne und freue mich mega uf die Zit wo no for mir staht.